"Болонья" ҳимоячиси Стефан Пош "Аталанта"га 2025 йилнинг 30 июнига қадар ижара асосида, сотиб олиш ҳуқуқи билан қўшилди, деб хабар беради бергамоликлар клуби расмий сайти.
27 ёшли австриялик футболчи "Болонья" сафида уч мавсум ўйнаб, А Серияда жами 75 та ўйинда майдонга тушиб, 7 та гол урди ва 4 та голли узатмани амалга оширди. Бунгача Германиянинг "Хоффенхайм" клубида тўп тепган.
Айни дамда "Аталанта" 23 ўйиндан сўнг 47 очко билан Италия чемпионати турнир жадвалида учинчи ўринда бормоқда.













