Londonning "Arsenal" klubi Bilbaoning "Atletik" klubi vingeri Niko Uilyamsni qo‘lga kiritish borasidagi sa’y-harakatlarini davom ettirmoqda.
22 yoshli futbolchining shartnomasida tovon puli 60 million yevro bo‘lib, "kanonirlar" ushbu bandni faollashtirishga tayyor ekanliklari aytilmoqda. Bundan tashqari, El Nacional xabariga ko‘ra, "Arsenal" ispaniyalik futbolchini "Barselona"ni rad etishga ko‘ndirish uchun unga juda qulay shartnoma shartlarini taklif qilmoqchi. Kataloniyaliklar o‘tgan yildan buyon "Atletik" yulduziga asosiy da’vogar sanaladi.
Niko Uilyams Ispaniya La Ligasining joriy mavsumida 19 ta o‘yinda maydonga tushib, 1 ta gol urdi va 3 ta golli uzatmani amalga oshirdi.
