Лондоннинг "Арсенал" клуби Бильбаонинг "Атлетик" клуби вингери Нико Уильямсни қўлга киритиш борасидаги саъй-ҳаракатларини давом эттирмоқда.
22 ёшли футболчининг шартномасида товон пули 60 миллион евро бўлиб, "канонирлар" ушбу бандни фаоллаштиришга тайёр эканликлари айтилмоқда. Бундан ташқари, El Nacional хабарига кўра, "Арсенал" испаниялик футболчини "Барселона"ни рад этишга кўндириш учун унга жуда қулай шартнома шартларини таклиф қилмоқчи. Каталонияликлар ўтган йилдан буён "Атлетик" юлдузига асосий даъвогар саналади.
Нико Уильямс Испания Ла Лигасининг жорий мавсумида 19 та ўйинда майдонга тушиб, 1 та гол урди ва 3 та голли узатмани амалга оширди.
