"Tottenxem" darvozaboni Gulyelmo Vikario jarohatidan to‘liq forig‘ bo‘ldi. Bu haqda Football Confidencial xabar bermoqda. Manbaga ko‘ra, 28 yoshli italiyalik o‘tgan haftadan to‘liq mashg‘ulotlarga kirishgan.

U "Liverpul"ga qarshi bo‘lib o‘tadigan o‘yinda maydonga tushishi kutilmoqda. Vikario o‘zining so‘nggi o‘yinini noyabr oyida o‘tkazgan, shundan so‘ng to‘pig‘ini operasiya qilishga majbur bo‘lgandi.

Bugun, 6 fevral kuni Angliya Liga kubogi yarim finalining javob uchrashuvi “Liverpul” hamda “Tottenxem” jamoalari o‘rtasida bo‘lib o‘tadi.