"Barselona"ning sobiq yarim himoyachisi Rivaldo "ko‘k-anorranglilar"ning 17 yoshli hujumchisi Lamin Yamalning o‘yini haqida o‘z fikri bilan o‘rtoqlashdi.
"Lamin xuddi 25 yoshlilardek o‘ynaydi. Men uning futbol darajasiga qoyil qolaman. Bu yigit kataloniyaliklar uchun haqiqiy xazina. Yaqin kelajakda u dunyoning eng yaxshi futbolchisi nomiga da’vogar bo‘ladi", - dedi braziliyalik futbolchi.
Ispaniya chempionatining joriy mavsumida Yamal 19 ta o‘yin o‘tkazdi. Hujumchi beshta gol urdi va o‘nta golli uzatmani amalga oshirdi.
