Xabaringiz bor, O‘zbekiston ayollar futzal terma jamoasi Tojikiston poytaxti Dushanbe shahrida bo‘lib o‘tadigan CAFA musobaqasida ishtirok etadi.

Mazkur safar oldidan Federasiya rahbariyati terma jamoa a’zolari bilan uchrashdi. O‘zbekiston futzal federasiyasi Bosh kotibi Abdullayev Ma’rufjon terma jamoaga bo‘lajak musobaqada omad tilab, faqatgina chempionlikni ko‘zlab harakat qilish zarurligini ta’kidladi.

Eslatib o‘tamiz, Markaziy Osiyo futbol assosiasiyalari — CAFA turnirida O‘zbekiston, Eron, Tojikiston, Qirg‘iz Respublikasi va Turkmaniston ayollar futzal terma jamoalari o‘zaro kuch sinashadi.