Jordi Alba Xavyer Maskeranoning "Inter Mayami"ga bosh murabbiy etib tayinlanishi haqida gapirdi.
40 yoshli mutaxassis klubni 2024 yilning noyabrida qabul qilib olgandi.
"Barselona"da o‘ynaganimizda do‘st edik. Biz maydonda yonma-yon edik, ammo endi munosabatlar o‘zgarishi kerak. U murabbiy va biz uning aytganlarini hurmat qilishimiz kerak.
O‘shanda ham Maskerano murabbiy bo‘lishi aniq edi. U har doim o‘ziga va boshqalarga juda talabchan va juda yuqori talablarni qo‘ygan.
Jamoadoshi sifatida u ajoyib edi va o‘zining tabiiy pozisiyasida o‘ynamaganiga qaramay, "Barselona"ga ko‘p yordam berdi. Buskets u yerda edi, shuning uchun Maskerano markaziy himoyachi pozisiyasiga moslashishi kerak edi va u juda yaxshi harakat qildi. U o‘sha davrdagi barcha yosh futbolchilarga o‘rnak edi.
Argentina yoshlar terma jamoasida uning qo‘l ostida ishlagan yigitlar menga uning juda yaxshi murabbiy ekanligini, har doim o‘z futbolchilarini himoya qilishini aytishdi. Bu biz uchun yaxshi bo‘ladi", - deydi "Inter Mayami" himoyachisi Jordi Alba.
