Lissabonning "Sporting" klubi vingeri Fransisko Trinkan "Barselona"da o‘ynagan vaqtini esladi.

Kataloniya grandi portugaliyalikni 2020 yilda 30 million yevrodan ko‘proq pul evaziga "Braga"dan sotib olgandi.

Futbolchi "ko‘k-anorranglilar"ning asosiy tarkibida o‘zini ko‘rsata olmadi, shu bois u ikki marta - "Vulverxempton" va "Sporting"ga ijaraga berildi.

2023 yilning yozida Lissabon jamoasi futbolchini sotib oldi.

"Barselona"da qiyin vaqtlarni o‘tkazdim. Ammo, o‘ylaymanki, bu yerda qolganimda o‘zimni ko‘rsatish uchun ko‘proq imkoniyatlarga ega bo‘lardim, chunki o‘shanda Messi jamoani tark etgandi.

Men tez-tez o‘ynashim mumkin edi", - deya Trinkanning so‘zlarini keltiradi Barca Universal.