"Manchester Siti"ning sobiq himoyachisi, hozirda Saudiya Arabistoni chempionatida "Al-Hilol"da to‘p tepayotgan Joau Kanselu Angliya Premyer-ligasiga qaytishi mumkin. Bu haqda «Todofichajes» portali jurnalistlari xabar bermoqda.
Manbaning xabariga ko‘ra, 30 yoshli himoyachi xizmatlariga "Manchester Yunayted" qiziqish bildirmoqda. Futbolchining transfer qiymati 18 million yevroga baholanmoqda. Kanseluning Saudiya klubi bilan shartnomasi 2027 yilning iyun oyi oxirigacha amal qiladi.
Joau Saudiya Arabistoni chempionatining joriy mavsumida 17 ta o‘yin o‘tkazdi. Himoyachi beshta golli uzatmani amalga oshirdi va to‘rtta sariq kartochka oldi.













