Pol Parker Jeydon Sanchoning Markus Reshford posti ostidagi izohini tanqid qildi.
Oldinroq, "Manchester Yunayted"ga tegishli bo‘lgan "Chelsi" vingeri sobiq jamoadoshining "Aston Villa"dagi debyuti haqidagi posti haqida fikr bildirgandi.
Sancho Birmingem klubida ijara asosida o‘ynayotgan Reshfordga: "Ozodlik" deb yozgan.
"Jeydon Sancho menga o‘z noroziligini bildirish uchun boshqa birovdan foydalanadigan zaif bolani eslatadi.
Buni o‘zi bajarishga uning kuchi, aqli yetmaydi, shuning uchun u Reshforddan foydalanmoqchi bo‘ldi.
Umid qilamanki, Reshford bundan chetda qoladigan darajada aqlli. Uning piar jamoasi esa bu bema’ni ishlarga aralashib ketishiga yo‘l qo‘ymasligi kerak", — dedi “Yunayted”ning sobiq himoyachisi.
