Пол Паркер Жейдон Санчонинг Маркус Рэшфорд пости остидаги изоҳини танқид қилди.
Олдинроқ, "Манчестер Юнайтед"га тегишли бўлган "Челси" вингери собиқ жамоадошининг "Астон Вилла"даги дебюти ҳақидаги пости ҳақида фикр билдирганди.
Санчо Бирмингем клубида ижара асосида ўйнаётган Рэшфордга: "Озодлик" деб ёзган.
"Жейдон Санчо менга ўз норозилигини билдириш учун бошқа бировдан фойдаланадиган заиф болани эслатади.
Буни ўзи бажаришга унинг кучи, ақли етмайди, шунинг учун у Рэшфорддан фойдаланмоқчи бўлди.
Умид қиламанки, Рэшфорд бундан четда қоладиган даражада ақлли. Унинг пиар жамоаси эса бу бемаъни ишларга аралашиб кетишига йўл қўймаслиги керак", — деди “Юнайтед”нинг собиқ ҳимоячиси.
