Франциянинг энг истиқболли ёш ярим ҳимоячиларидан бири бошқа мамлакат терма жамоасида ўйнашга қарор қилди.

Foot Mercato нашрининг хабар беришича, Айюб Буадди Марокаш миллий терма жамоаси сафида ҳаракат қиладиган бўлди.

Франция футбол федерацияси хавбекнинг Франция ёшлар терма жамоаларида ўйнашда давом этишига ва якунда Зинедин Зидан бошқарувидаги асосий терма жамоага ўтишига умид қилган эди. Бироқ 18 ёшли футболчи Марокашни афзал кўрди. Унинг ЖЧ-2026 турнирига бориши кутилмоқда.

Буадди "Лилль" таркибида "Лига 1" доирасида 62 та ўйинда майдонга тушган. Франциянинг турли ёшдаги (U16 дан бошлаб) терма жамоалари сафида эса 30 га яқин учрашув ўтказган.