«Манчестер Сити» ҳужумчиси Омар Мармуш фаолиятини «Барселона»да давом эттириши мумкин. Бу ҳақда «CaughtOffside» журналисти Марк Брус хабар бермоқда.
Манбанинг маълумотига кўра, «кўк-анорранглилар» мисрлик футболчи учун курашда пешқадамлик қилмоқда. Мармуш ҳозирда «Манчестер Сити»да етарлича ўйин амалиётига эга бўлмаяпти. Таъкидланишича, «шаҳарликлар» катта эҳтимол билан футболчини 60-65 миллион евро эвазига сотишга рози бўлишади.
2025 йилнинг январь ойида «Манчестер Сити» Мармушни «Айнтрахт»дан 75 миллион еврога сотиб олган эди. Ушбу мавсумда ҳужумчи барча турнирларда 34 та ўйинда майдонга тушиб, 8 та гол урди ва 3 та голли узатмани амалга оширди.
