Франция терма жамоаси бош мураббийи Дидье Дешам 2026 йилги Жаҳон чемпионати учун нега «Кристал Пэлас» футболчилари Максанс Лакруа ва Жан-Филипп Матетани чақириб, «Реал» ярим ҳимоячиси Эдуарду Камавингани рўйхатга киритмаганига изоҳ берди.
“Март ойида у [Лакруа] ўзини жуда яхши кўрсатди. У ҳимоянинг чап ва ўнг қанотида ўйнай олади. Менга ҳар бир позиция учун учтадан вариант керак эди, ҳар бир позицияга уч нафар футболчи эмас.
Ярим ҳимояда Камавингадан ташқари беш нафар футболчимиз бор. Уларнинг барчаси чап ёки ўнг томонда ҳаракат қила олади. Ҳаммаси асосий таркибда ўйнашга қодир.
Ҳужумда эса Матета ҳам терма жамоада, ҳам клубида жуда самарали ўйин кўрсатди. Унинг услуби бошқача ва айрим пайтларда бизга айнан шундай типдаги футболчи керак бўлиши мумкин”, — деди Дешам.













