"Milan" Joau Feliksni olib qolish rejasini o‘ylamoqda.

Klub Feliks timsolida jahon darajasidagi futbolchini qo‘lga kiritganiga ishonchi komil. "Chelsi"dan ijaraga olingan vinger "rossonerilar" safida uchta o‘yinda 1 ta gol urdi.

«La Gazzetta dello Sport» xabariga ko‘ra, "Milan" futbolchi bilan hamkorlikni mavsum yakunida ham davom ettirishni rejalashtirmoqda. Mumkin bo‘lgan variantlar orasida yangi ijara, lekin taxminan 40 million yevro yoki undan biroz kamroq mablag‘ evaziga majburiy sotib olish sharti ham bor.

Ta’kidlanishicha, klub ushbu transfer uchun mablag‘ni bir yoki ikki yirik sotuv orqali qo‘lga kiritishni maqsad qilgan. Ulardan biri 2026 yilda tugaydigan shartnomasini hali uzaytirmagan Teo Ernandes bo‘lishi mumkin. "Milan" himoyachisini tekinga yo‘qotmoqchi emas, agar fransuz shartnomani uzaytirmasa, klub takliflarni ko‘rib chiqishga tayyor.

Rafael Leauning ketishi ham ehtimoldan xoli emas, ayniqsa, "Milan"ni qoniqtiradigan taklif tushsa va klub 175 millionlik tovon pulini to‘liq talab qilmasa.