Madridning "Atletiko" klubi hujumchisi Antuan Grizmann La Ligada o‘tkazilgan o‘yinlar soni bo‘yicha Lionel Messini ortda qoldirmoqchi.
Shanba kuni fransuz Ispaniya chempionatidagi 516-o‘yinini o‘tkazdi - u bu ko‘rsatkich bo‘yicha barcha davrlarning kuchli o‘ntaligiga kirdi. Bundan tashqari, jurnalist Pedro Fulyana xabariga ko‘ra, "matraschilar"ning 33 yoshli futbolchisi Lionel Messining rekordini yangilashi va La Ligada eng ko‘p o‘yin o‘tkazgan xorijliklar reytingida peshqadam bo‘lishi uchun atigi beshta o‘yin o‘tkazishi qoldi. "Barselona" sharafini himoya qilgan argentinalik yulduz 520 ta uchrashuvdan so‘ng ligani tark etgan edi.
