Jan Pyero Gasperini "Atalanta"ning natijalari pasaygani haqida gapirdi.
Bergamoliklar barcha turnirlardagi so‘nggi 6 uchrashuvda faqat bitta g‘alabaga erishgan. “Atalanta” shanba kuni A Seriya doirasida “Kalyari” bilan 0:0 hisobida durang o‘ynadi.
“Biz g‘alaba qozonishimiz mumkin edi, biroq hujumkor o‘yinchilar yetishmayapti. Garchi o‘yinning ko‘p qismida ustunlik qilgan bo‘lsak-da, g‘alaba qozonishimiz tobora qiyinlashib bormoqda.
O‘yin sifati juda yaxshi edi va tan olish kerakki, ba’zida shunday bo‘ladi - bunday o‘yinlarni g‘alabaga aylantirib bo‘lmaydi.
Bizda muammolar ko‘payib bormoqda, ammo jamoa mavsumning ikkinchi yarmini bosqichma-bosqich yaxshi yakunlaydi", - dedi “Atalanta” ustozi.
