Жан Пьеро Гасперини "Аталанта"нинг натижалари пасайгани ҳақида гапирди.
Бергамоликлар барча турнирлардаги сўнгги 6 учрашувда фақат битта ғалабага эришган. “Аталанта” шанба куни А Серия доирасида “Кальяри” билан 0:0 ҳисобида дуранг ўйнади.
“Биз ғалаба қозонишимиз мумкин эди, бироқ ҳужумкор ўйинчилар етишмаяпти. Гарчи ўйиннинг кўп қисмида устунлик қилган бўлсак-да, ғалаба қозонишимиз тобора қийинлашиб бормоқда.
Ўйин сифати жуда яхши эди ва тан олиш керакки, баъзида шундай бўлади - бундай ўйинларни ғалабага айлантириб бўлмайди.
Бизда муаммолар кўпайиб бормоқда, аммо жамоа мавсумнинг иккинчи ярмини босқичма-босқич яхши якунлайди", - деди “Аталанта” устози.
