Kataloniyaning “Barselona” klubi va Fransiya terma jamoasi himoyachisi Jyul Kunde Angliya premyer-ligasida ishlash imkoniyatiga ega, deb xabar bermoqda Sport.es jurnalistlari.
Manbaga ko‘ra, 26 yoshli himoyachini o‘z safiga Londonning "Chelsi" klubi qo‘shib olmoqchi. "Aristokratlar" rahbariyati futbolchining transferi uchun 100 million yevro to‘lashga tayyor.
Kundening o‘zi "ko‘k-anorranglilar" lageridagi hamma narsadan mamnun va shuning uchun jamoani tark etishni istamayapti.
Kataloniyaliklar fransiyalik futbolchiga 2030 yilgacha yangi shartnoma taklif qilishlari mumkin. Amaldagi kelishuv 2027 yilda tugaydi.
