Minkda bo‘lib o‘tayotgan Rivojlanish kubogi doirasida O‘zbekiston U17 terma jamoasi Braziliyaning BSA Academy jamoasiga qarshi maydonga tushib, 3:1 hisobida g‘alaba qozondi.

Uchrashuvning dastlabki daqiqalaridayoq Braziliya jamoasi faol harakat boshladi va 12-daqiqada Gustavo dos Santos tomonidan kiritilgan gol hisobni ochdi. Shunga qaramay, O‘zbekiston terma jamoasi o‘yinni to‘liq nazoratga olishga harakat qildi va 22-daqiqada Jamshidbek Rustamov hisobni tenglashtirdi – 1:1.

Ikkinchi bo‘lim boshlanishi bilan terma jamoamiz tarkibida o‘zgarish amalga oshirildi: Fayzullayev o‘rnig‘a Sodiqov maydonga tushirildi. Bu almashtirish o‘z samarasini berdi va 48-daqiqada Abdulloh Fazliddinov raqib darvozasiga to‘p yo‘llab, jamoamizni oldinga olib chiqdi – 2:1.

53-daqiqada yana bir qator o‘zgarishlar amalga oshirildi. Fazliddinov, Muhammadov va boshqa bir futbolchilar o‘rniga Bahodirxonov, Erimbetov hamda Shukurullayev safga qo‘shildi. Uchrashuvning 58-daqiqasida Botiraliyev o‘rniga Mahmudjonov maydonga tushirildi.

O‘yin yakuniga yaqin O‘zbekiston jamoasi hujumlarini kuchaytirdi va 65-daqiqada penalti amalga oshirildi. Sayfiddin Sodiqov o‘ziga bildirilgan ishonchni oqlab, penaltini aniq amalga oshirdi – 3:1!

Shu tariqa, O‘zbekiston yoshlar terma jamoasi "Rivojlanish kubogi" doirasidagi o‘yinida Braziliyaga qarshi ishonchli g‘alabaga erishdi.