"Bornmut" markaziy himoyachisi Din Xeysen yaqinlashib kelayotgan transferlar davrida katta summaga sotib yuborilishi mumkin.
Xabaringiz bor, 19 yoshli futbolchining muvaffaqiyatlarini Madridning "Real," "Barselona" va Angliya Premyer-ligasi grandlari kuzatib bormoqda. Insayder Fabrisio Romanoning ma’lum qilishicha, futbolchining shartnomasida 50 mln funt (taxminan 60 mln yevro) miqdoridagi tovon puli ko‘rsatilgan. Ushbu band kelgusi yozda kuchga kiradi.
Joriy mavsum oldidan "Bornmut" "Yuventus"dan 15,2 mln yevro evaziga Din Xeysenni sotib oldi. Ispaniyalik istiqbolli markaziy himoyachining "giloslar" bilan shartnomasi 2030 yilning o‘rtalariga qadar mo‘ljallangan.













