"Борнмут" марказий ҳимоячиси Дин Хейсен яқинлашиб келаётган трансферлар даврида катта суммага сотиб юборилиши мумкин.
Хабарингиз бор, 19 ёшли футболчининг муваффақиятларини Мадриднинг "Реал," "Барселона" ва Англия Премьер-лигаси грандлари кузатиб бормоқда. Инсайдер Фабрицио Романонинг маълум қилишича, футболчининг шартномасида 50 млн фунт (тахминан 60 млн евро) миқдоридаги товон пули кўрсатилган. Ушбу банд келгуси ёзда кучга киради.
Жорий мавсум олдидан "Борнмут" "Ювентус"дан 15,2 млн евро эвазига Дин Хейсенни сотиб олди. Испаниялик истиқболли марказий ҳимоячининг "гилослар" билан шартномаси 2030 йилнинг ўрталарига қадар мўлжалланган.
