"Galatasaroy"da ijara asosida o‘ynayotgan "Napoli" hujumchisi Viktor Osimxen yanvar oyida "Manchester Yunayted"ga o‘tishni rad etdi.
Jurnalist Ali Nasi Kuchuk xabariga ko‘ra, so‘nggi transfer oynasida "Manchester Yunayted" 26 yoshli nigeriyalik futbolchining transferi bo‘yicha "Napoli" bilan kelishuvga erishgan, biroq hujumchining o‘zi bu transferdan bosh tortgan. Osimxen avvalroq mavsumni "Galatasaroy"da yakunlashga va’da bergani sabab o‘z fikrini o‘zgartirmagan.
Joriy mavsumda Osimxen barcha musobaqalarda 24 ta o‘yinda maydonga tushib, 19 ta gol urdi va 5 ta golga assistentlik qildi.













