"Галатасарой"да ижара асосида ўйнаётган "Наполи" ҳужумчиси Виктор Осимхен январь ойида "Манчестер Юнайтед"га ўтишни рад этди.
Журналист Али Наси Кучук хабарига кўра, сўнгги трансфер ойнасида "Манчестер Юнайтед" 26 ёшли нигериялик футболчининг трансфери бўйича "Наполи" билан келишувга эришган, бироқ ҳужумчининг ўзи бу трансфердан бош тортган. Осимхен аввалроқ мавсумни "Галатасарой"да якунлашга ваъда бергани сабаб ўз фикрини ўзгартирмаган.
Жорий мавсумда Осимхен барча мусобақаларда 24 та ўйинда майдонга тушиб, 19 та гол урди ва 5 та голга ассистентлик қилди.













