Niderlandiyalik sobiq futbolchi Rafael van der Vart "Real" hujumchisi Vinisius Junior haqida o‘z fikrlari bilan o‘rtoqlashdi.

2008-2010 yillarda "Los-Blankos"da to‘p tepgan mashhur sobiq yarim himoyachi braziliyalikni xatti-harakati uchun qattiq tanqid qildi.

“Vinisius meni juda g‘azablantirdi. Uning o‘yinida shou ko‘p, lekin u kerakli salohiyatga ega bo‘lsada Neymar, Messi va Ronaldu darajasida emas.

O‘ylaymanki, u o‘tgan yilgi ajoyib ishtiroki uchun "Oltin to‘p"ga loyiq edi, ammo "Osasuna"ga qarshi o‘tgan o‘yinda uning qilgan ishlarini juda ko‘p ko‘rdik.

Muxlislar uni haqoratlashadi va keyin u irqchilik haqida baqira boshlaydi. Biz hammamiz irqchilikni yomon ko‘ramiz, lekin Vinisius o‘ziga xos aktyor", — deya van der Vartning so‘zlarini keltiradi TheEuropeanLad.