Нидерландиялик собиқ футболчи Рафаэль ван дер Варт "Реал" ҳужумчиси Винисиус Жуниор ҳақида ўз фикрлари билан ўртоқлашди.
2008-2010 йилларда "Лос-Бланкос"да тўп тепган машҳур собиқ ярим ҳимоячи бразилияликни хатти-ҳаракати учун қаттиқ танқид қилди.
“Винисиус мени жуда ғазаблантирди. Унинг ўйинида шоу кўп, лекин у керакли салоҳиятга эга бўлсада Неймар, Месси ва Роналду даражасида эмас.
Ўйлайманки, у ўтган йилги ажойиб иштироки учун "Олтин тўп"га лойиқ эди, аммо "Осасуна"га қарши ўтган ўйинда унинг қилган ишларини жуда кўп кўрдик.
Мухлислар уни ҳақоратлашади ва кейин у ирқчилик ҳақида бақира бошлайди. Биз ҳаммамиз ирқчиликни ёмон кўрамиз, лекин Винисиус ўзига хос актёр", — дея ван дер Вартнинг сўзларини келтиради TheEuropeanLad.
