"Manchester Siti" yarim himoyachisi Bernardu Silva Chempionlar Ligasi pley-off javob o‘yinida "Real" ustidan g‘alaba qozonish uchun nimalar kerakligini aytdi.
Dastlabki o‘yinda "shaharliklar" Madrid klubiga 2:3 hisobida yutqazishgandi.
"Bu amalga oshishi mumkinligiga doim ishoning. O‘yinning dastlabki 20-30 daqiqasida nima bo‘lishidan qat’i nazar, har doim ishoning va keyin rejaga amal qiling. Biz "Real"ning qanchalik yaxshi harakat qilishini, qarshi hujumga o‘tishini, bosim o‘tkazishini tushunamiz va bunga dosh berishni uddalashimiz kerak," - dedi Silva matbuot anjumanida.
"Real" - "Manchester Siti" o‘rtasidagi javob uchrashuvi 19 fevral kuni Madridda bo‘lib o‘tadi. Boshlanish vaqti - 01.00 da (TSHV).
