"Манчестер Сити" ярим ҳимоячиси Бернарду Силва Чемпионлар Лигаси плей-офф жавоб ўйинида "Реал" устидан ғалаба қозониш учун нималар кераклигини айтди.
Дастлабки ўйинда "шаҳарликлар" Мадрид клубига 2:3 ҳисобида ютқазишганди.
"Бу амалга ошиши мумкинлигига доим ишонинг. Ўйиннинг дастлабки 20-30 дақиқасида нима бўлишидан қатъи назар, ҳар доим ишонинг ва кейин режага амал қилинг. Биз "Реал"нинг қанчалик яхши ҳаракат қилишини, қарши ҳужумга ўтишини, босим ўтказишини тушунамиз ва бунга дош беришни уддалашимиз керак," - деди Силва матбуот анжуманида.
"Реал" - "Манчестер Сити" ўртасидаги жавоб учрашуви 19 февраль куни Мадридда бўлиб ўтади. Бошланиш вақти - 01.00 да (ТШВ).
