Luis Dias yozda "Liverpul"dan "Barselona"ga o‘tmoqchi.

Jurnalist Xose Alvaresning «El Chiringuito TV» efirida ma’lum qilishicha, 28 yoshli vinger o‘z agenti orqali kataloniyaliklar sport direktori Dekuga o‘z istagini bildirgan.

Avvalroq, "Barselona" yozda chap qanotda hujumkor futbolchi sotib olmoqchi ekani va Dias nomzodini ko‘rib chiqayotgani haqida xabarlar tarqalgan edi.

Joriy mavsumda kolumbiyalik futbolchi "Liverpul" safida barcha musobaqalarda 35 ta o‘yinda maydonga tushib, 13 ta gol urdi va 2 ta golli uzatmani amalga oshirdi. Uning klub bilan shartnomasi 2027 yilgacha mo‘ljallangan.