Луис Диас ёзда "Ливерпуль"дан "Барселона"га ўтмоқчи.
Журналист Хосе Алвареснинг «El Chiringuito TV» эфирида маълум қилишича, 28 ёшли вингер ўз агенти орқали каталонияликлар спорт директори Декуга ўз истагини билдирган.
Аввалроқ, "Барселона" ёзда чап қанотда ҳужумкор футболчи сотиб олмоқчи экани ва Диас номзодини кўриб чиқаётгани ҳақида хабарлар тарқалган эди.
Жорий мавсумда колумбиялик футболчи "Ливерпуль" сафида барча мусобақаларда 35 та ўйинда майдонга тушиб, 13 та гол урди ва 2 та голли узатмани амалга оширди. Унинг клуб билан шартномаси 2027 йилгача мўлжалланган.













