"Sporting" bosh murabbiyi Ruy Borjesh Chempionlar Ligasi pley-off bosqichidan o‘rin olgan "Borussiya" Dortmundga (0:0) qarshi javob uchrashuvini sarhisob qildi.

"Biz bu yerga kurashish uchun kelgandik. Biz taslim bo‘lmadik va men jamoaning kayfiyatidan mamnunman. Besh himoyachi bo‘lib o‘ynab, "Borussiya" uchun bo‘sh maydon deyarli qoldirmadik.

O‘yin natijasi deyarli hal bo‘lganida ham bizni doimo qo‘llab-quvvatlagan muxlislarga minnatdorchilik bildirmoqchiman," - deya Borjeshning so‘zlarini keltiradi UEFA matbuot xizmati.

Dastlabki o‘yinda "Borussiya" 3:0 hisobida g‘alaba qozongandi. Ikki o‘yin natijasiga ko‘ra, dortmundliklar Chempionlar ligasining 1/8 finaliga yo‘l oldi. "Sporting" turnirni tark etdi.