"Milan" vingeri Kristian Pulishich jamoa bosh murabbiyi Serjiu Konseysau bilan hech qanday ziddiyatga bormaganini e’lon qildi.
"Men hech qachon murabbiy bilan janjallashmaganman va ketishni so‘ramaganman. "Milan"da o‘zimni juda yaxshi his qilyapman va bu futbolkani kiyishni davom ettirmoqchiman.
Bu yolg‘onlarni o‘qishga yo‘l qo‘yib bo‘lmaydi, biroq keling, kelgusida ham bir oila bo‘lib maydonda, klub va muxlislarimiz uchun birgalikda kurashaylik," - deyiladi Pulishichning bayonotida.
Avvalroq, «La Repubblica» nashri 26 yoshli amerikalik futbolchi yozda, agar Serjiu Konseysau jamoani boshqarishda davom etsa, klubni tark etishni istayotgani haqida xabar tarqatgan edi.
