"Милан" вингери Кристиан Пулишич жамоа бош мураббийи Сержиу Консейсау билан ҳеч қандай зиддиятга бормаганини эълон қилди.
"Мен ҳеч қачон мураббий билан жанжаллашмаганман ва кетишни сўрамаганман. "Милан"да ўзимни жуда яхши ҳис қиляпман ва бу футболкани кийишни давом эттирмоқчиман.
Бу ёлғонларни ўқишга йўл қўйиб бўлмайди, бироқ келинг, келгусида ҳам бир оила бўлиб майдонда, клуб ва мухлисларимиз учун биргаликда курашайлик," - дейилади Пулишичнинг баёнотида.
Аввалроқ, «La Repubblica» нашри 26 ёшли америкалик футболчи ёзда, агар Сержиу Консейсау жамоани бошқаришда давом этса, клубни тарк этишни истаётгани ҳақида хабар тарқатган эди.
