"Palmeyras" fevral oyi oxirigacha Vitor Rokeni o‘z safiga qo‘shib olmoqchi.
ESPN Brasil xabariga ko‘ra, "Palmeyras" 28 fevral kuni Braziliyada transfer oynasi yopilgunga qadar futbolchini o‘z safiga qo‘shib olishdan umidini uzmayapti. Biroq, klubdagilar kelishuv oson bo‘lmasligini tushunishadi.
"Barselona" hujumchisi yozda mavsum oxirigacha ijara asosida "Betis"ga o‘tgandi. Uning shartnomasi 2031 yilning iyunigacha mo‘ljallangan va "Barsa" futbolchini faqat doimiy ravishda qo‘yib yuborishga tayyor. Kataloniyaliklar taxminan 25 mln yevrolik takliflarni ko‘rib chiqadi.
"Palmeyras" "Barsa"ning moliyaviy talablarini qondirgan taqdirda ham, baribir, "Betis"ni Rokening ijarasini to‘xtatishga ko‘ndirishga to‘g‘ri keladi. Hozircha klub hujumchini bu oy tekinga qo‘yib yuborishadimi yoki moliyaviy kompensasiya olishadimi, aniq ma’lum qilgani yo‘q.
19 yoshli Roke "Betis" safida 31 ta o‘yinda 7 ta gol urgan. Sevilya klubida Rokening ijara muddatini yana bir mavsumga uzaytirish yoki yozda uni doimiy sotib olish imkoniyati bor.
