Jurnalist Tobi Altsheffl xabariga ko‘ra, Joshua Kimmix "Bavariya" bilan shartnomasini uzaytirish bo‘yicha muzokaralarning so‘nggi bosqichida.

Nemis yarim himoyachisi klub bilan faol muzokaralar olib bormoqda va har ikki tomon ham shartnomani imkon qadar tezroq yakunlash istagida.

Muzokaralar yakuniy moliyaviy tafsilotlargacha davom etmoqda va "Bavariya" allaqachon Kimmixga imzolash uchun shartnoma taklif qilishga tayyor. Xabar qilinishicha, uning maoshi amaldagi shartnomasidagi darajada qoladi.

Klub Kimmixning keyingi mavsumda "Bavariya" futbolchisi bo‘lib qolishiga va kelajakda klub afsonasiga aylanishi mumkinligiga ishonch bildirmoqda.

Joriy mavsumda 30 yoshli nemis “Bavariya” safida barcha turnirlar doirasidagi 35 ta o‘yinda 1 ta gol urdi va 10 ta golli uzatmani amalga oshirdi.