Журналист Тоби Алтшеффл хабарига кўра, Жошуа Киммих "Бавария" билан шартномасини узайтириш бўйича музокараларнинг сўнгги босқичида.
Немис ярим ҳимоячиси клуб билан фаол музокаралар олиб бормоқда ва ҳар икки томон ҳам шартномани имкон қадар тезроқ якунлаш истагида.
Музокаралар якуний молиявий тафсилотларгача давом этмоқда ва "Бавария" аллақачон Киммихга имзолаш учун шартнома таклиф қилишга тайёр. Хабар қилинишича, унинг маоши амалдаги шартномасидаги даражада қолади.
Клуб Киммихнинг кейинги мавсумда "Бавария" футболчиси бўлиб қолишига ва келажакда клуб афсонасига айланиши мумкинлигига ишонч билдирмоқда.
Жорий мавсумда 30 ёшли немис “Бавария” сафида барча турнирлар доирасидаги 35 та ўйинда 1 та гол урди ва 10 та голли узатмани амалга оширди.
