"Roma" bosh murabbiyi Klaudio Ranyeri Paulo Dibalaning "Portu"ga qarshi o‘yindagi hissasini yuqori baholadi.
Argentinalik forvard ikki bor gol urdi va uning jamoasi Yevropa Ligasi 1/8 finaliga yo‘llanmani qo‘lga kiritdi.
"Dibalaning jamoada bo‘lishi juda muhim - u nafaqat ajoyib futbolchi, balki yetakchi hamdir. U kam gapiradi.
Uning yordami bilan biz o‘yinni o‘z yo‘liga qaytardik. Boshqa o‘yinchilar borini berishdi.
U yaxshi jismoniy holatda, o‘yindan zavqlanadi va doimo maydonda bo‘lishni xohlaydi. U biz bilan ekanligidan xursandman", - deya Ranyerining so‘zlarini keltiradi Football Italia.













