"Manchester Yunayted"ning asosiy egasi bo‘lgan INEOS kompaniyasi klub xarajatlarini qisqartirishda davom etmoqda. Kompaniya bu borada qat’iy harakat qilmoqda - klub bo‘ylab ishdan bo‘shatishlar to‘lqini avj olgan. U hatto "qizil iblislar" qarorgohida ko‘pdan beri ishlab kelayotganlarga ham ta’sir qildi, bu esa muxlislarni g‘azablantirishi tabiiy.
«Transfer News Live» nashrining jurnalist Mayk Makgratga tayanib xabar berishicha, "Manchester Yunayted" xodimlari matbuotga ma’lumot bersalar, ishdan bo‘shatilishi bilan tahdid qilingan.
Ko‘rinib turibdiki, "qizil iblislar" bosslariga ularning klubni qattiq boshqarayotgani haqidagi ma’lumotlarning sizib chiqishi yoqmayapti.
