"Barselona" bosh murabbiyi Xans-Diter Flik Chempionlar Ligasi 1/8 final bosqichiga qur’a tashlash natijasiga izoh berdi. Xabaringiz bor, kataloniyaliklarning raqibi "Benfika" bo‘ladi.
"Bu og‘ir qur’a. Biz ular bilan bu mavsumda to‘qnash kelganmiz va "Benfika" bizga muammo tug‘dirishi mumkinligini ko‘rganmiz. 1/8 finalda barcha jamoalar kuchli. Bizni ikkita juda qiyin o‘yin kutmoqda," - dedi Flik matbuot anjumanida jurnalistlarga.
Chempionlar ligasi 1/8 finalidan o‘rin olgan "Benfika" - "Barselona" o‘rtasidagi dastlabki o‘yin Portugaliyada, javob bahsi esa Ispaniyada bo‘lib o‘tadi.
