"Барселона" бош мураббийи Ханс-Дитер Флик Чемпионлар Лигаси 1/8 финал босқичига қуръа ташлаш натижасига изоҳ берди. Хабарингиз бор, каталонияликларнинг рақиби "Бенфика" бўлади.
"Бу оғир қуръа. Биз улар билан бу мавсумда тўқнаш келганмиз ва "Бенфика" бизга муаммо туғдириши мумкинлигини кўрганмиз. 1/8 финалда барча жамоалар кучли. Бизни иккита жуда қийин ўйин кутмоқда," - деди Флик матбуот анжуманида журналистларга.
Чемпионлар лигаси 1/8 финалидан ўрин олган "Бенфика" - "Барселона" ўртасидаги дастлабки ўйин Португалияда, жавоб баҳси эса Испанияда бўлиб ўтади.
