"Liverpul" hujumchisi Muhammad Saloh bosh murabbiy Arne Slot haqidagi fikrlarini bildirdi.
Niderlandiyalik mutaxassis o‘tgan yozda iste’foga chiqqan Yurgen Kloppning o‘rnini egallagan holda "qizillar" jamoasini boshqarishni o‘z zimmasiga olgan edi.
"Barchasi shunchalik tez sodir bo‘lishini kutmagandim. U yuqori bosim o‘yinini ma’qul ko‘radi va biz hamon ko‘p qarshi hujumlar uyushtiramiz, garchi u to‘pni ko‘proq nazorat qilishimizni istasa-da. O‘zgarishlar unchalik ko‘p emas, katta farqni sezayotganim yo‘q," - dedi misrlik futbolchi Sky Sports'ga bergan intervyusida.
