Milanning "Inter" klubi himoyachisi Benjamen Pavar A Seriya chempionlik poygasi haqida fikr bildirdi.
"Neradzurrilar" 25-turdan keyin peshqadam "Napoli"dan 2 ochko ortda qolib, 2-o‘rinda bormoqda. 2 mart kuni jamoalar o‘zaro to‘qnash kelishadi.
"Napoli"ga ko‘proq bosim bo‘lyapti, o‘tgan mavsumda biz chempion bo‘lgandik. Men bu haqda ko‘p o‘ylamayman - shunchaki har bir alohida o‘yinda bor kuchingni sarflashing kerak. Ko‘ramiz, oxiri nima bo‘larkin. "Napoli"da ajoyib murabbiy bor, jamoa zich harakat qiladi. O‘zaro o‘yinimiz juda muhim bo‘ladi, g‘alaba qozonishga harakat qilamiz," - dedi Pavar Sky Sport nashriga bergan intervyusida.
