O‘zbekiston Respublikasi Bosh vaziri Abdulla Aripov bolalar, ommaviy va professional futbolni rivojlantirish, infratuzilmani yaxshilash, murabbiylar ta’limiga e’tibor qaratish, terma jamoalar faoliyatini muvofiqlashtirish, futbolchilarning har tomonlama yetuk bo‘lishi uchun barcha sharoitlarni yaratish borasida Prezidentimiz Shavkat Miromonovich Mirziyoyev boshchiligida amalga oshirilayotgan ishlar tufayli milliy jamoalarimiz jahon arenalarida yuqori natijalar qayd etayotganini e’tirof etdi va Bahodir Qurbonovni O‘FA raahbarligiga saylangani bilan tabriklab, soha rivoji yo‘lida muvaffaqiyat tiladi.

"Ishonchim komilki, futbolimiz jadal sur’atlarda o‘sishda va taraqqiy etishda davom etadi, butun xalqimizning azaliy orzusi ushalib, milliy terma jamoamiz Jahon chempionatiga yo‘llanma oladi".