Saudiya Arabistonida Vinisius Junior uchun 1 milliard yevro to‘lashlari mumkin.

"Real" va Braziliya terma jamoasining 24 yoshli vingeri saudiyaliklarning strategik maqsadi bo‘lib qolmoqda.

Saudiya Arabistoni JCH-2034 mezbonligi huquqini qo‘lga kiritgach, mamlakat rahbariyati futbolga investisiyalarni yanada ko‘paytirishga tayyor.

Shu bilan birga, endi mablag‘larni yoshga bog‘liq yulduzlarga emas, balki faoliyatining katta qismini ligada o‘tkazishi mumkin bo‘lgan 25 yoshdan oshmagan o‘yinchilarga sarflash rejalashtirilmoqda. Yaqinda "Aston Villa"dan "An-Nasr"ga o‘tgan 21 yoshli hujumchi Jon Duran bunga misol bo‘la oladi.

Avvalroq, Vinisiusga Saudiya Arabistonida 5 yillik shartnoma bo‘yicha 1 mlrd yevro berishga tayyorligi, "Real"ga esa 300 mln yevro to‘lashi mumkinligi ma’lum bo‘lgandi.

«Relevo» xabariga ko‘ra, saudiyaliklar braziliyalikning o‘ziga taklifni oshirishi, qolaversa, uning shartnomasidagi 1 milliard yevro miqdoridagi tovon pulini faollashtirishi mumkin.

Agar Vinisius va "Real" yangi kelishuvga erishmasa, Saudiya Arabistoni klublari harakat qilishga tayyor.