"Bornmut" bosh murabbiyi Andoni Iraola "Real" bosh murabbiyi Karlo Anchelottining o‘rinbosari sifatida ko‘rilayotgani haqidagi ma’lumotlarga izoh berdi.
"Men bunday narsalarga ("Real"ning qiziqishi haqidagi mish-mishlarga) e’tibor bermayman. Men ko‘p yillardan beri futbolda o‘yinchi va murabbiy sifatida ishlayman va bularning barchasi qanday ishlashini, nima muhim va nima muhim emasligini bilaman," - deya Iraolaning so‘zlarini keltiradi «Marca».
Ispaniyalik mutaxassis 2023 yilning yozidan buyon "Bornmut" bosh murabbiyi lavozimida ishlab kelmoqda. Angliya Premyer-ligasining joriy mavsumida "giloslar" 25 turdan so‘ng 43 ochko jamg‘arib, beshinchi o‘rinda bormoqda. Iraolaning "Bornmut" bilan mehnat shartnomasi 2026 yilning yozigacha mo‘ljallangan.













