"Борнмут" бош мураббийи Андони Ираола "Реал" бош мураббийи Карло Анчелоттининг ўринбосари сифатида кўрилаётгани ҳақидаги маълумотларга изоҳ берди.

"Мен бундай нарсаларга ("Реал"нинг қизиқиши ҳақидаги миш-мишларга) эътибор бермайман. Мен кўп йиллардан бери футболда ўйинчи ва мураббий сифатида ишлайман ва буларнинг барчаси қандай ишлашини, нима муҳим ва нима муҳим эмаслигини биламан," - дея Ираоланинг сўзларини келтиради «Marca».

Испаниялик мутахассис 2023 йилнинг ёзидан буён "Борнмут" бош мураббийи лавозимида ишлаб келмоқда. Англия Премьер-лигасининг жорий мавсумида "гилослар" 25 турдан сўнг 43 очко жамғариб, бешинчи ўринда бормоқда. Ираоланинг "Борнмут" билан меҳнат шартномаси 2026 йилнинг ёзигача мўлжалланган.