"Nyukasl" hujumchisi Aleksandr Isak yozgi transferlar oynasida jamoani tark etishi dargumon. Har holda "qarg‘alar" rahbariyati shunday deb o‘ylaydi.

«TeamTalk» nashrining ta’kidlashicha, "Nyukasl" o‘zining asosiy hujumchisini yo‘qotishi mumkinligidan xavotirda emas, chunki klubdagilar 25 yoshli shved uchun hech kim so‘ralgan pulni to‘lamaydi, deb hisoblamoqda. Manbaga ko‘ra, "Nyukasl" Isak uchun 181,5 mln yevro ishlab olmoqchi.

Joriy mavsumda hujumchi barcha musobaqalarni hisobga olgan holda 29 ta uchrashuvda qatnashib, 19 ta gol urdi va beshta golli uzatma muallifiga aylandi.