"Ньюкасл" ҳужумчиси Александр Исак ёзги трансферлар ойнасида жамоани тарк этиши даргумон. Ҳар ҳолда "қарғалар" раҳбарияти шундай деб ўйлайди.
«TeamTalk» нашрининг таъкидлашича, "Ньюкасл" ўзининг асосий ҳужумчисини йўқотиши мумкинлигидан хавотирда эмас, чунки клубдагилар 25 ёшли швед учун ҳеч ким сўралган пулни тўламайди, деб ҳисобламоқда. Манбага кўра, "Ньюкасл" Исак учун 181,5 млн евро ишлаб олмоқчи.
Жорий мавсумда ҳужумчи барча мусобақаларни ҳисобга олган ҳолда 29 та учрашувда қатнашиб, 19 та гол урди ва бешта голли узатма муаллифига айланди.
