17 yoshli futbolchi Franko Mastantuonoga Yevropaning uch grandi da’vogarlik qilmoqda.
Hujumkor yarim himoyachi "River Pleyt" sharafini himoya qiladi - u yosh bo‘lishiga qaramay, asosiy jamoada o‘zini ko‘rsatishga ulgurdi. Transfer News Live xabariga ko‘ra, vunderkind uchun kurashda "Manchester Yunayted," "Barselona" va Milanning "Inter" klublari ishtirok etmoqda. Argentinalik futbolchining shartnomasida 45 mln yevroga yaqin tovon puli ko‘rsatilgan.
Mashhur Transfermarkt portali ekspertlari Franko Mastantuononing narxini 15 mln yevroga baholamoqda. Ushbu yulduzga qiziqish avvalroq Madridning "Real," "Chelsi" va "Milan" klublari tomonidan bildirilgandi.
