"Arsenal" bosh murabbiyi Mikel Arteta jamoasining APL 26-turida "Vest Xem"dan uchralgan mag‘lubiyati haqida fikr bildirdi.

Mutaxassisning so‘zlarini ESPN nashri iqtibos keltiradi.

"Hujumchi yo‘qligimi? Yo‘q, men buni inkor etaman, bu muammo emas edi.

Bugun men va futbolchilarning saviyasi haqida gapiraman. Chempion bo‘lishni istagan jamoa uchun bu yetarli emas.

To‘pga egalik qilish foizi va 20 ta zarbaga qaramay, o‘yinni o‘zgartirish uchun kerakli darajada ekanligimizni his qilmadim.

Jamoa g‘azablanishi kerak. Biz o‘zimizga munosib darajada o‘ynay olmadik, shuning uchun ham juda jahlim chiqdi. Endi biz faqat ishlashimiz kerak, lekin hozir hamma narsa o‘z qo‘limizda emas, bu ham meni g‘azablantirmoqda" - dedi Arteta.

Eslatib o‘tamiz, 26 turdan keyin londonliklar 53 ochko bilan turnir jadvalida ikkinchi o‘rinda bormoqda. "Liverpul" hisobida 61 ochko bor, ammo bugun "Manchester Siti" bilan o‘ynaydi.

"Kanonirlar" navbatdagi o‘yinini 26 fevral kuni "Nottingem Forest"ga qarshi o‘tkazadi.